Vitleysan í Kópavogi

Er ekki kominn tími til að skipta út þessu fólki sem situr ár eftir ár í bæjarstjórn Kópavogs og þiggur laun fyrir endalaust rifrildi. Til að byrja með ættu sem flestir að mæta í prófkjör sjálfstæðismanna og kjósa nýtt fólk til forystu. Það ætti ekki að vera nema tvö kjörtímabil sem fólk situr því það virðist alltaf enda í að þeir sem sitja svona lengi líti svo á að þeir eigi þetta allt sjálfir. Ég skil ekki hvers vegna ekki er hægt að kjósa hóp fólks sem er til í að stjórna bæjarfélaginu saman og vinni að hag okkar bæjarbúa. Hvers vegna meiri og minni hluti.

Skólahreysti - alþjóðlegt.

Skólahreysti er aldeilis frábær hugmynd sem hefur haft mjög góð og örvandi áhrif á krakkana hér á landi hvað varðar hreyfingu. Þeir sem eiga þessa frábæru hugmynd ættu nú að markaðssetja hana og fá svo sigurvegara hvers lands til úrslitakeppni hér á Íslandi. Þetta mundi skapa tekjur fyrir ferðaþjónustuna og auglýsa landið okkar á mjög góðan hátt.

Forkólfar KSÍ

Það er augljóst mál að þarna situr meira og minna karlaklíka og verði fjármálastjóri rekinn (en það er vont að reka vini sína) kjaftar hann einfaldlega frá einhverju, sem alþjóð má ekki vita um hina. Dettur nokkrum manni í hug að þetta sé í eina sinn sem kíkt hefur verið á nektarbúllu, og því síður að aumingja maðurinn sé alltaf einn úti að djamma.

Læknisvottorð er ekki sama og læknisvottorð

Ég trúði vart því sem gerðist áðan en ég fór til læknis til að fá vottorð því ég þarf að endurnýja byssuleyfið mitt. Jæja fyrst greiddi ég 1000 kr síðan fór ég inn til læknisins og hann mældi blóðþrýstinginn hjá mér og var ég inni hjá honum í ca 5 mínútur. Síðan fékk ég vottorðið sem ég átti að greiða frammi og sagði daman að það kostaði 920 kr svo leit hún á umslagið og sagði æ þetta er vottorð fyrir byssuleyfi þá kostar það 4050 kr. Hvað er í gangi?

Ný ríkisstjórn hvað nú?

Hvernig væri nú að ný ríkisstjórn segji öllum embættismönnum upp störfum, síðan geta þeir endurráðið þá sem vilja og eru hæfir, á launum sem eru í takt við aðra í landinu. Er það líðandi að t.d. Ríkisútvarpsstjóri sé með tvöföld laun ráðherra og svipuð laun og forsetinn. Ég segi nei það er meira en lítið bogið við þetta allt. Nú er tækifæri á að gera verulegar breytingar og stoppa þessa endemis vitleysu. Þurfa þessir aðilar að eta meira en við hin eða hvað?

Bankaráð Seðlabankans til hvers?

Eftir því sem Ingibjörg Sólrún sagði í Kastljósi í gær, þá spyr ég hvað er bankaráð að gera bara hirða launin sín?. Hún sagði að bankaráðið væri ekki með ákvarðanir aðeins upplýst. Er ekki hægt að byrja sparnaðinn strax og segja upp afdönkuðum pólutíkusum og vinum.

Bananalýðveldið, framhald.

Áfram heldur vitleysan í Reykjavíkurborg eins og hjá ríki og mörgum öðrum í hinu opinbera kerfi. Vinavæðingastefnan, yfirborganir og svo gefur borgarstjóri í skyn að borgarfulltrúar séu með ýmsar sposlur fyrir utan launin sem eru mjög góð. Hann er líka borgarfulltrúi og ætti að þekkja til þannig að hann geti upplýst almenning um þetta. Síðan er það orðin tíska að bæði þingmenn og sveitarstjórnarmenn séu erlendis sí og æ í alls kyns erindum sem enginn botnar í. Það eru að sjálfsögðu góðir dagpeningar í boði sem drýgja tekjurnar og svo skaðar ekki að fá frítt t.d.til
Suður Afríku en ferð þangað kostar hinn almenna borgara upp í 500 þúsund.
Svo eru sveitastjórnarmenn svo sem t.d. í Kópavogi að stofna vinarbæjartengsl við borg í Kína svo bæjarfulltrúar geti farið frítt á kostnað bæjarbúa og að öllum líkindum á dagpeningum líka svo þeir geti nú haldið fullri reisn í því sem þeir kalla opinberar erindagjörðir. Það er nú ekki lengur talið nóg að hafa vinarbæi á öllum norðurlöndunum jafnvel ekki þó alls staðar sé verið að hvetja til sparnaðar í niðursveiflunni og þjóðarsáttar.
Þetta er alveg óþolandi og við almenningur eigum að standa saman um að uppræta þessa augljósu spillingu.

Bananalýðveldið heldur sínu striki.

 

 Ég skrifaði um héraðsdómarakjörið og þá sem gáfu ráðherra umsögn um þá hæfustu. Ég var að vona að þeir sem umsögnina gáfu og voru hunsaðir segðu einfaldlega af sér eins og þeir voru einhverjir búnir að tala um. Nei þeir hafa ekki gert það ennþá og þá hugsar maður eru þeir á svo góðum launum fyrir eða hvað aftrar þeim í að sýna ráðherra hvar Davíð keypti ölið og ganga út. Hvað er að? Eru menn hættir að fara eftir sannfæringu sinni og standa í báða fætur. Hverjum er að treysta? Alla vega ekki pólitíkusum það sést einfaldlega á atburðum síðustu daga.

Framhald DHL.

Jæja nú er sendingin búin að fara frá Íslandi til Belgíu síðan til Frakklands og þaðan til USA sem hún fer fylki úr fylki. Vika + 1 dagur og ekki er sendingin dýra enn komin til skila. Verslar maður við þessa aðila aftur?

Óveður

Ef veður er eins og í morgun þá þarf einhver ákveðinn aðili að hafa þau völd að aflýsa skólahaldi og koma með þá ákvörðun áður en fólk fer af stað með börnin. Símalínur glóa í skólum og mæting er svona og svona. Rétt fyrir átta kom tilkynning frá lögreglu umað fólk héldi börnum sínum heima og er það allt of seint í rassinn gripið