Bílaþvottur

Hvað er í gangi? Ég ætlaði að fara með bílinn minn í þvott á bensínstöðinni Stórahjalla 2 í dag og hafði reynt að fara í síðust viku en vegna breytinga var alltaf lokað. Jæja í dag var loksins opið og ætlaði ég að skella bílnum í gegnum þvottakerfið sem ekki hefur kostað alltof mikið eða 19. janúar 2007 kostaði þvotturinn 1190.

Nú rétt rúmu einu ári seinna kostar þvotturinn 1690 kr. og hefur því hækkað um 500 kr. eða 42% á einu ári. Þetta er ansi góð hækkun og því lét ég það ógert að fara í gegn og hugsaði með mér svona er ekki hægt að láta bjóða sér. Ég ætla að bíða með skítugan bílinn þar til veður leyfir mér að þrífa hann sjálf. Að versla við aðila sem haga sér svona þ.e. að setja slíka hækkun inn er óþolandi og því  hlítur maður að róa á önnur mið.